مش عارفة ابدأ كلامي ان الحيوان دة داس على كلاب و معرفش ماتو ولا لا!! ولا ابدأ كلامي انه حيوان و متحرش … هحكي الحصل بالظبط من اول ما شوفت العربية مبدأياً كنت انا و اختي ماشيين ف شارع ف 6 اكتوبر الحي التالت جنب المدرسة اليابانية المتحرش الحيوان دة كان راكن عند متدخل المدرسة بالظبط و لما شفني انا و اختي ماشيين سبقنا قدام و ركن شواية على جنب ، كان في كلاب كتير ف الشارع و طلعت الموبيل عشان اصورهم و اصور الكلاب الصغيرة زي ما واضح ف اول الفيديو كدة،، معداش ٥ ثواني و الحيوان الحقير دة جيه براحة من ورانا و انا و اختى بنحاول ننبه ان في كلاب و هو شايفهم،، الصدمة بالنسبالي مش بس ان في كلاب بتتداس قدامي !! انا واختي بنبص للاسف على مستوى نظارنا لقينا الحيوان دة قالع البنطلون و كل حاجة مش لابس اي حاجة من تحت و انا اخجل اني اوصف ال انا شوفته، كان ف وضع زفت و بيعمل حركات زفت و قرف انا مش هقدر اوصف اكتر من كدة اكيد انتو فاهمين،، انا ف اخر الفيديو قعدت اقول ل اختي شوفتي بيعمل ايه و الفيديو قفل عشان انا من الرعب قفلت و حطيته ف جبي ،، اناا و اختى فضلنا وقفيين من الصدمة مش عارفين ناخد اي رد فعل اذا كان عن الكلب ال كان تحت العربية ولا القرف ال احنا شوفناه… انا بكتب كل الكلام دة عشان القذر دة كان واقف قدام مدرسة اطفال !! انا خايفة يأذي اي طفل او يكون مش مجرد متحرش، انا بكرة ان شاءالله هروح ل ادارة المدرسة عشان تكون عندها خبر بالحيوان دة و دي ارقام العربية عشان تاخدو بالكم.. خلي بالكم على نفسك و على اطفالكم. و ياريت لو تعرفو اي حد ساكن ف الشارع دة ينبه و ينبه الناس ال ف المدرسة. مع العلم الساعة كانت 08:17 صباحاً يعني معاد مدرسة. — انا رجعت شوفت الكلاب بعدها بس كنت خايفة ارووح المكان دة لوحدي ف استنيت يبقى معايا راجل،، و ملقتش اي كلب منهم و مظنش ان حصلهم حاجة الحمدلله،، و للاسف ف ساعتها انا انهرت من المنظر انا و اختي و ولا عرفنا نبص للراجل ولا للكلاب ولا لحاجة ولا حتة لحقت اخد رقم العربية و بعدها لما هدييت بفتح الموبيل لقيتني مصورة الفيديو و فيه رقم العربية.